Nabasa ang phone? Gawin ito sa unang 10 minuto

Nahulog sa tubig, nabuhusan, o naulanan. Ang gagawin mo sa unang ilang minuto ang magdedesisyon kung maisasalba pa ang phone.

Gawin agad

1. Patayin ang phone kung naka-on pa. 2. Tanggalin ang case at SIM tray. 3. Punasan ang labas gamit ang tuyong tela. 4. Huwag i-charge at huwag i-on para subukan.

Huwag gawin

Huwag ilagay sa bigas: hindi nito natutuyo ang loob at nagdadala pa ng alikabok. Huwag gumamit ng hair dryer na mainit. Huwag ipagpaliban ng ilang araw; nagsisimula ang corrosion sa board sa loob ng 24 oras.

Ano ang ginagawa namin sa shop

Binubuksan ang phone, nililinis ang board sa ultrasonic cleaner, pinapatuyo, at chine-check ang bawat part: display, battery, charging port, speaker, mic, camera. Saka lang kami magbibigay ng quote bago palitan ang anumang part.

Gaano katagal

1 hanggang 3 araw dahil kailangang matuyo at ma-test nang maayos. Kung dinala agad, mas mataas ang tsansa na walang kailangang palitan maliban sa linis.

May sira ang gadget mo? I-send ang model at problema sa Messenger, libreng check-up sa Mhar’s Gadget Repair, Greenhills.